अखबार नेपाल ट्रेन्डिङ

काठमाडौं: निर्वाचन अयोगले आजदेखि निर्वाचन आचारसंहिता लागू गराउने भएको छ ।

आज मध्यरातदेखि निर्वाचन हुने दिन बैशाख ३० गतेसम्मका लागि निर्वाचन आचार संहिता लागू हुने भएको हो ।

दलका नेताहरुहरुले आचारसंहिता मान्ने गरी निर्वाचन आयोगमा हस्ताक्षर गरिसकेका छन् ।

निर्वाचन आयोगले चैत ३ गते निर्वाच्न आचारसंहिता राजपत्रमा प्रकाशित गरेको थियो । उक्त आचारसंहिताको एक बुँदामा भने सर्वोच्च अदालतले अन्तरिम आदेश जारी गरेको छ ।

बहालवाला जनप्रतिनिधि भाग लिन नपाउने व्यवस्थाविरुद्ध सर्वोच्चमा परेको रिटमा अन्तरिम आदेश जारी भएको हो ।

आयोगले सामाजिक सञ्जालदेखि उम्मेदवार र अन्यलाई निर्वाचनमा गर्न नपाउने व्यवस्था समावेश गरेर आचारसंहिता जारी गरेको छ ।

आचारसंहिता लागेपछि सरकारले सरुवा बढुवा लगायत निर्णय गर्न पाउने छैन ।

आचारसंहिता लागु भएपछि कुनैपनि दल वा उम्मेदवारले स्थानीय प्रशासनको अनुमति नलिइ सार्वजनिक स्थानमा सभा, जुलुस, बैठक, भेला लगायतका काम गर्न बर्जित हुन्छ ।

यसैगरी, योजनाको शिलान्यास, उद्घाटन, सर्वेक्षणलगायत काम गर्न पनि पाइँदैन ।

निर्वाचन प्रचारप्रसारको काम बिहान ८ बजेदेखि साँझ ७ बजेसम्म मात्र गर्न पाइन्छ ।