अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्पकमल दाहाल(प्रचण्ड)ले नेकपा एमालेलाई भोट नहाल्न उर्दी जारी गरेका छन् ।

एमालेले जिते देशमा गम्भिर संकट आईपर्ने बताउँदै एमालेलाई भोट नहाल्न आग्रह गरेका हुन । उनले आसन्न स्थानीय तहको निर्वाचनमा नेकपा एमाले विजयी भए मूलुक दुर्घटनामा फस्ने भन्दै एमालेलाई भोट दिन नहुने तर्क गरेका हुन ।

आज कार्यकर्ता प्रवेश कार्यक्रमलाई सम्बोधन गर्दै अध्यक्ष दाहालले एमाले अध्यक्ष केपीशर्मा ओलीका कारण मुलुक अहिले अप्ठेरोमा परेकाले अब उनको पार्टीलाई भोट नहाल्न आग्रह समेत गरे ।

‘उनले कार्यक्रममा बोल्दै भने जनताले ओलीलाई मुलुक निर्माण गर्ने राम्रो अवसर दिएका थिए, तर ओलीले सम्हाल्न सकेनन्, अब पनि एमालेलाई भोट हाल्नु भनेको मुलुक दुर्घटनामा फस्नु हो । माओवादी केन्द्रलाई विजयी गराए मात्र विकासले गति लिन्छ । ओलीले मुलुक र जनतालाई पटक-पटक धोका दिएकाले थप धोका पाउनुहुन्न ।

अध्यक्ष दाहालले ओलीलाई आफूले नायक बनाउन खोजेको तर उनी खलनायक भएर निस्केको समेत आरोप लगाए ।