अखबार नेपाल ट्रेन्डिङ

काठमाडौं: आज बस्ने प्रतिनिधिसभाको बैठकमा अमेरिकी सहयोग परियोजना एमसीसीको विषयमा छलफल हुने भएको छ ।

संसदमा एमसीसी  छलफल हुने भएपछि बाहिर भने एमसीसी बिरोधी प्रदर्शन हुने भएको छ ।

त्यसलाई मध्यनजर गर्दै सरकारले संसद् भवन नयाँ बानेश्वर र अमेरिकी दूतावास आसपासका क्षेत्रमा सुरक्षा व्यवस्था कडा बनाएको छ ।

संसद् बैठकमा एमसीसी टेबल भएको दिन गएको आइतबार प्रदर्शनकारी र प्रहरीबीच झडप भएपछि सुरक्षा व्यवस्था थप कडा पारिएको हो ।

आज दिउँसो १ बजे बस्ने संसद् बैठकमा एमसीसीमाथि छलफल गर्ने कार्यसूची छ ।

सुरक्षाका लागि संसद् भवनको मूल सडकसँगै रहेको पर्खालमा काँडेतार लगाइएको छ ।

प्रदर्शनकारी र प्रहरीबीच हुन सक्ने सम्भावित झडपलाई ध्यान दिएर पर्खाललाई तारले घेरिएको हो ।

यसैबीच, महानगरीय ट्राफिक प्रहरी महाशाखाले बिहान ११ बजेपछिको समयमा माइतीघर मण्डला नयाँ बानेश्वर हुँदै यात्रा गर्दा सडकको अवस्थाबारे जानकारी राख्न आग्रह गरेको छ ।