अखबार नेपाल ट्रेन्डिङ

काठमाडौं: बतास समूहले आज एक प्रेस विज्ञप्ति जारी गर्दै सरकारलाई आफूसँग गरेका सबै सम्झौताहरू खारेज गर्न चुनौती दिएको छ ।

समूहका अध्यक्ष आनन्दराज बतासले विज्ञप्ती जारी गर्दै आफूहरूसँग भएका सम्झौता एकमुष्ट खारेज गर्न सरकार स्वतन्त्र रहेको उल्लेख गरेका हुन् ।

‘बतास अर्गनाइजेसनले कानुनसम्मत रूपमा भाडामा लिएर सञ्चालन गरेका सम्पूर्ण व्यावसायिक सम्झौताहरू कानुनबमोजिम रद्द गर्न नेपाल सरकार स्वतन्त्र छ’, विज्ञप्तिमा लेखिएको छ, ‘त्यसैले बतास अर्गनाइजेसनले गरेको लगानी र त्यसको उचित क्षतिपूर्तिसहित आजकै मितिमा यदि सरकारले सम्पूर्ण सम्झौताहरू एकमुष्ठ खारेज गर्छ भने पनि हामीलाई कुनै आपत्ति नरहने कुरा समेत यहाँहरूमार्फत आम जनसाधारण र सरोकारवाला सबैलाई जानकारी गराउन चाहन्छौँ ।’

नारायणहिटी संग्रहालयभित्रबाट बतास समूहलाई बनाएका सम्पूर्ण व्यापारिक संरचना सरकारले हटाइसकेको छ ।

केही दिनअघि संस्कृति, पर्यटन तथा नागरिक उड्डयन मन्त्री प्रेमबहादुर आलेले नारायणहिटी संग्रहालय भित्रबाट बतास समूहलाई जुनसुकै हालतमा हटाएरै छाड्ने बताएका थिए ।

विज्ञप्तीको पूर्णपाठः