अखबार नेपाल ट्रेन्डिङ

काठमाडौं: नेकपा एमालेका अध्यक्ष केपी शर्मा ओली, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादी पार्टीका अध्यक्ष माधवकुमार नेपाल एउटै मञ्चमा देखिएका छन् ।

भृकुटीमण्डपमा शुक्रबारदेखि सुरू भएको नेपाली कांग्रेसको १४औं महाधिवेशनको उद्घाटन समारोहमा एमाले विभाजनपछि ओली, नेपाल र प्रचण्ड पहिलोपटक शुक्रबार कांग्रेस महाधिवेशन उद्घाटन सत्रमा एउटै मञ्चमा देखिएका हुन् ।

सुरूमै प्रचण्ड र नेपाल महाधिवेशनस्थल भृकुटीमण्डपमा पुगेका थिए । केपी ओली केही ढिलोगरी पुगेका थिए ।

गत १० मंसिरमा भएको एमालेको १०औं महाधिवेशनमा नेता नेपाल र उनको पार्टीलाई निमन्त्रणा गरिएको थिएन । निमन्त्रणा गरिएको माओवादी केन्द्रबाट प्रचण्ड आफू नगएर लिलामणि पोखरेललाई पठाएका थिए ।

एमाले महाधिवेशनमा नगएका प्रचण्ड र नेपाल कांग्रेस महाधिवेशनमा सहभागी हुने क्रममा ओलीसँग आमनेसामने भएका हुन् ।