अखबार नेपाल ट्रेन्डिङ

काठमाडौं: नेकपा (माओवादी केन्द्र)ले प्रदेशमा पदाधिकारीको संख्या बढएको छ ।

बिहीबार बसेको स्थायी कमिटी बैठकले यसअघि ७ जना रहेको पदाधिकारी संख्या बढाएर ९ पुर्‍याउने निर्णय गरेको हो ।

अध्यक्ष एक, उपाध्यक्ष ३, सचिव एक, सहसचिव ३ र कोषाध्यक्ष एक गरी ९ जना पदाधिकारी रहने निर्णय गरिएको प्रवक्ता कृष्णबहादुर महराले जानकारी दिए ।

प्रदेशको समितिमा न्यूनतम १ सय ७५ सदस्यीय कार्यसमिति निर्वाचित हुने व्यवस्था छ । त्यो संख्या पनि सबै प्रदेशमा नाघ्ने भएको छ ।

प्रवक्ता महराका अनुसार अब प्रदेश एकमा २ सय ५९, २ नम्बर प्रदेशमा २ सय ७१, बागमतीमा २ सय ७५, गण्डकीमा २ सय २९, लुम्बिनीमा २ सय ५३, कर्णालीमा २ सय ११ र सुदूरपश्चिममा २ सय २३ सदस्यीय समिति गठन हुनेछ ।

सबै प्रदेशमा मंसिर २५ गते शनिबार एकैपटक सम्मेलन हुँदैछ । सम्मेलनले प्रदेश समिति गठन गर्नेछ ।