अखबार नेपाल ट्रेन्डिङ

काठमाडौं: राष्ट्रिय प्रजातन्त्र पार्टी (राप्रपा)को नयाँ अध्यक्षमा राजेन्द्र लिङ्देन विजयी भएका छन् ।

नयाँ नेतृत्व चयनका लागि भएको पहिलो एकता महाधिवेशनबाट राप्रपा अध्यक्षमा लिङदेनले १८ सय १७ मत ल्याउँदा कमल थापाले १६ सय १७ मत प्राप्त गरे ।

मतगणनामा ४ सय ३१ मत बदर भएको छ । राप्रपाको नयाँ नेतृत्व चयनका लागि शनिबार मतदान भएको थियो भने रातभर मतगणना भएको थियो ।

अध्यक्षका प्रत्यासी कमल थापाले आफ्नो हार स्वीकार गर्दै लिङ्देनलाई सामाजिक सञ्जान मार्फत बधाई दिएका छन् ।

प्रजातान्त्रिक मूल्य र मान्यता आत्मसात गर्दै राप्रपा अध्यक्ष पदको निर्वाचनमा भएको पराजय सहर्ष स्विकार गर्दछु।नवनिर्वाचित अध्यक्ष राजेन्द्र लिङदेनलाई वधाई तथा शुभकामना।
प्रतिकुल परिस्थितिमा समेत हामी माथि विश्वास र भरोसा गर्ने पार्टीका सम्पूर्ण साथीहरुमा आभारी छु। pic.twitter.com/rlh14TQHBD

— Kamal Thapa (@KTnepal) December 5, 2021