अखबार नेपाल ट्रेन्डिङ

काठमाडौं: नेकपा अध्यक्ष तथा प्रधानमन्त्री केपी शर्मा ओलीले ६ बुँदे प्रस्ताव अगाडि सार्दै नेकपा एमाले एकताका लागि आव्हान गरेका छन् ।

आइतबार बेलुकी एक विज्ञप्ति जारी गर्दै ओलीले नेपाली कांग्रेसका सभापति शेरबहादुर देउवालाई प्रधानमन्त्री बनाउन माग गर्दै सर्वोच्च अदालतमा परेको रिटबाट एमाले सांसदहरुको हस्ताक्षर फिर्ता लिने र पार्टीलाई २०७५ जेठ ३ पूर्वको अवस्थाबाट अघि बढाउने प्रस्ताव गरेका छन् ।

अध्यक्ष ओलीले विवादका क्रममा भएका आरोप प्रत्यारोपलाई लिएर कुनै कारबाही नगरिने प्रस्ताव समेत गरेका छन् ।

खनाल–नेपाल समूहले आइतबार नै ओलीले वार्ताका नाममा चालबाजी गरिरहेकाले वार्ताको विश्वास गर्न नसकिने बताएका थिए । उनीहरूले कारबाही फिर्ता लिए मात्रै वार्ता अघि बढ्ने पनि बताएका थिए ।