अखबार नेपाल ट्रेन्डिङ

काठमाडौं: आजदेखि देशभर कक्षा ११ को परीक्षा सुरु भएको छ। ५ लाख ८ हजार ४ सय ९४ परीक्षार्थी सहभागी भएको राष्ट्रिय परीक्षा बोर्डले जनाएको छ।जेठ ८ गते सम्पन्न हुने कक्षा ११ को परीक्षामा साधारण तथा प्राविधिक विषय समूहतर्फका नियमित, ग्रेडवृद्धि एवं आंशिक परीक्षार्थीको सहभागिता रहेको जनाइएको छ ।

राष्ट्रिय परिक्षा बोर्डले परीक्षाका लागि देशभर १ हजार १ सय ७ परीक्षा केन्द्र निर्धारण गरेको जनाएको छ । ती मध्ये सबभन्दा बढी परीक्षा केन्द्र काठमाडौँमा १ सय २२ वटा र सबैभन्दा कम मनाङ र मुस्ताङमा एक, एक परीक्षा केन्द्र निर्धारण गरिएको छ। परीक्षामा दृष्टिविहीन, कम श्रवणशक्ति भएका वा सुस्त मनस्थिति र अन्य प्रकृतिको अपाङ्गता भएका परीक्षार्थीका लागि विशेष व्यवस्था गरिएको छ ।