अखबार नेपाल ट्रेन्डिङ

रामेछाप: पर्यटकीयस्थल रामेछापको शैलुङ्ग क्षेत्रमा नयाँ बर्षको पहिलो  दिन पर्यटकहरुको घुईंचो लागेको  छ ।

सूर्योदयको मनोरम दृश्यावलोकन तथा वरिपरिका हिमश्रृखलाई नजिकैबाट नियाल्नका लागि प्रख्याल  शैलुङ्गको अन्य मनोरम दृश्यावलोकनका लागि समेत आन्तरीक तथा बाह्य पर्यटकको घुँइचो लागेको हो ।

शैलुङ्गको सय थुम्का, सूर्योदय अवलोकन, प्रसिद्ध धार्मिक पर्यटकीय केन्द्र प्रथम साङ्गे म्हार्मोचे, पाँचौ पद्म सम्भव र सातौ गौतम बुद्धले तपस्या गरेको पवित्र भूमीले परिचित शैलुङ्गमा नयाँ बर्षको पहिलो दिन पर्यटकको घुइचो लागेको हो ।

गत बर्ष कोरोनाका कारण सुनसान शैलुङ्ग अहिले पर्यटकले भरिभराउ भएको छ । गत बर्षको महोत्सवपछि यस क्षेत्रमा भ्रमण गर्ने आन्तरीक तथा बाह्य पर्यटकको संख्या ह्वात्तै बढेको हो  ।

शैलुङ्गमा एक सय भन्दा बढी प्राकृतिक  चुचुरा र थुम्काहरु मुख्य आकर्षकको रुपमा रहेका छ । नेपालको उत्तरी क्षेत्रमा रहेका हिमालको अवलोकन,  रमणीय हिमश्रृखलाहरुको अवलोकन संगसंगै यहाँको अन्य मनोरम दृश्यावलोकनका लागि विभिन्न जिल्लाबाट पर्यटकहरु आउने गरेको दोरम्बा गाउँपालिकाका दावा शेर्पाले बताए ।

शैलुङ्ग पुग्न सिन्धुपाल्चोकको मुडे हुदै ढुंगे खोला खर्क  सम्म तथा  मन्थली, खिम्ती, फुलासी दोरम्बा हुँदै शैलुङ्गसम्म  र अर्को पदमार्ग मन्थली, खाँडादेवी हुँदै शैलुङ्गसम्मको सडक मार्ग मार्फत पर्यटकहरु यस क्षेत्रमा आउने गरेका छन् ।

पर्यटकीय मात्र नभएर धार्मीक दृष्टिकोणले समेत महत्वपूर्ण मानिएको शैलुङ्ग क्षेत्रमा अहिले नेपालका आन्तरीक पर्यटक मात्र नभएर भारत तथा अन्य देशबाट पनि पर्यटकहरु आउने गरेका छन् ।

शैलुङ्ग क्षेत्रमा आज मात्र विभिन्न जिल्लाबाट हजारौंको संख्यामा पर्यटक आएको स्थानीय दावा शेर्पाले बताए । जंगलबाट निकै माथि उचाइमा रहेको सो  स्थानमा यस भन्दा अगाडि जिल्ला भित्रकै केहि व्यक्तिहरु मात्र घुमफिरका लागि पुग्ने गरेका भएपनि अहिले भने अन्य जिल्लाबाट पनि पर्यटकहरु आउन थालेका छन् ।

३ हजार १ सय मिटर भन्दा अग्लो उक्त स्थानबाट हिमश्रृखला देख्न सकिने भएकाले पनि पर्यटकहरु आउने स्थानीयहरु बताउँछन् । शैलुङ्गको  पर्यटन प्रर्वधनका लागि जिल्लाका सवैजना लाग्नु पर्ने शैलुङ्ग दोरम्बा गाउँपालिकाका अध्यक्ष कमान सिंह मोक्तानले बताए ।

आज पनि ठूलो हावाहुरीसहित चट्याङ्ग पर्ने सम्भावना, सुरक्षित रहन जल तथा मौसम विज्ञान विभागको आग्रह