अखबार नेपाल ट्रेन्डिङ

काठमाडौं: नेपाली कांग्रेसका पदाधिकारी तथा पूर्व पदाधिकारीहरुको बैठक आज बस्दैछ ।

सभापति शेरबहादुर देउवाले दिउँसो ३ बजे सानेपास्थित केन्द्रीय कार्यालयमा बोलाएको बैठकमा पार्टीका वर्तमान र पूर्व पदाधिकारी सहभागी हुने कांग्रेस स्रोतले जनाएको छ ।

बैठकमा पछिल्लो राजनीतिक अवस्थाको समीक्षा गरी पार्टीले लिनुपर्ने नीतिका बारेमा छलफल हुने प्रवक्ता विश्वप्रकाश शर्माले जानकारी दिए ।

‘आन्तरिक विषय अन्तर्गत महाधिवेशन, क्रियाशील सदस्यताको विषयमा छलफल हुन्छ,’ शर्माले भने, ‘बैठक बसिसकेपछि राष्ट्रिय राजनीतिको बारेमा छलफल त हुन्छ नै ।’

नयाँ सत्ता समिकरणको विषयमा चर्चा चलिरहेको बेला बस्न लागेको कांग्रेस पदाधिकारी बैठकलाई चासोका साथ हेरिएको छ ।

कांग्रेसमा नयाँ सत्ता समिकरणको विषयमा दुई धार देखा परेको छ ।

सभापति शेरबहादुर देउवा कांग्रेसले सत्ताको नेतृत्व लिन हतार गर्न नहुने पक्षमा छन् भने वरिष्ठ नेता रामचन्द्र पौडेल पक्ष भने तुरुन्तै कांग्रेसले सत्ताको नेतृत्व लिन अग्रसर हुनुपर्ने र केपी ओलीलाई प्रधानमन्त्रीबाट बिदा गर्नुपर्ने पक्षमा छ ।

राष्ट्रपति विद्यादेवी भण्डारी दुई दिने राजकीय भ्रमणमा बङ्गलादेश जाँदै, महत्वपूर्ण सम्झौतामा हस्ताक्षर हुने