अखबार नेपाल ट्रेन्डिङ

काठमाडौं: मकवानपुर, हेटौंडा उपमहानगरपालिका-१५ रातोमाटेबाट करिब ३२ किलो लागूऔषध गाँजा सहित भारत बिहार मुजाफपुर बस्ने २६ वर्षीय राम कुमार यादवलाई आज बिहान प्रहरीले पक्राउ गरेको छ ।

ईलाका प्रहरी कार्यालय पशुपतिनगरबाट खटिएको प्रहरीले बिआर २९७५६५ नम्बरको भारतीय गाडी जाँच गर्ने क्रममाफल्स बटम बनाई डिजेल ट्याङ्की र पछाडिको नम्बर प्लेट माथि लुकाईछिपाई लैजाँदै गरेको उक्त लागूऔषध फेला पारी गाडी चालक यादवलाई पक्राउ गरेको हो ।

सिराहा, भगवानपुर गाउँपालिका-१ स्थित हुलाकी सडकखण्डबाट भारत मधुबन्नी, माधवपुर बस्ने १७ वर्षीय उज्वल कुमार यादब समेत २ जनालाई लागूऔषध बाईलेस बिसि १ सय एमएलको २० बोतल सहित बुधबार साँझ प्रहरीले पक्राउ गरेको छ । अस्थाई प्रहरी पोष्टभगवानपुरबाट खटिएको प्रहरीले बिआर ३२ एफ १५७४ नम्बरको भारतीय मोटरसाइकल जाँच गर्ने क्रममा कपडामा पोको पारी ल्याउँदै गरेको अवस्थामा उक्त लागूऔषध फेला पारी प्रहरीले पक्राउ गरेको हो ।

सुनसरी, कोशी गाउँपालिका-८ भण्टावारीबाट भोजपुर वास्तिम-४ घर भएका ३५ वर्षीय भरिमान राई लागूऔषध डाईलेक्स डिसी२२ बोतल, नाइट्रोजन १ सय ट्याब्लेट रस्पामो प्रोक्सोभन १ सय ९२ क्याप्सुल सहित बुधबार बिहान पक्राउ परेका छन् । सशस्त्र प्रहरी बलनेपाल आउट पोष्ठ भाण्टावारीबाट खटिएको प्रहरीले जाँच गर्ने क्रममा भारतबाटनेपालतर्फ लुकाईछिपाई ल्याउँदै गरेको उक्त लागूऔषध सहित फेला पारी उनलाई नियन्त्रणमा लिएर सीमा प्रहरी चौकी भण्टाबारीमा बुझाएको हो ।