अखबार नेपाल ट्रेन्डिङ

काठमाडौं: आज मे १ तारिख अर्थात १३०औं अन्तराष्ट्रिय मजदूर दिवस । संसारभर बिभिन्न कार्यक्रम गरी मजदुर दिवस मनाईदै छ । मजदुर दिवसको अवसर मा नेपालमा पनि बिभिन्न औपचारिक तथा अनौपचारिक कार्यक्रमको आयोजना गरिएको छ ।

अन्तर्राष्ट्रिय श्रम संगठन(आईएलओं)को आयोजनामा हरेक वर्ष मे एक तारिखमा मजदुर दिवस मनाउदै आईएको छ । आईएलओ ले “काममा सुरक्षा र स्वास्थ्यका लागि बिश्व दिवस” यस वर्षको मजदुर दिवसको नारा तय गरेको छ । सन् १८८६ मे १ तारिखका दिन अमेरिकाको सिकागोमा भएको हेमार्केट घटनाको स्मरणमा मजदुर दिवस मनाउन थालिएको हो । उक्त दिन ८ घण्टा काम, ८ घण्टा आराम र ८ घण्टा मनोरञ्जनको कार्यदिनको माग गर्दै आन्दोलन गरिरहेका मजदुरलाई प्रहरीले तितरवितर पार्ने क्रमममा एक जना अज्ञात व्यक्तिले बम हानेको थियो । सोही दिनको स्मरणमा संसारभर मजदुर दिवस मनाउने गरिएको छ ।

नेपालमा पनि सन १९६३ देखि मजदुर दिवस मनाउन थालिए पनि विक्रम सम्वत २०६४ साल देखि सरकारले सार्वजनिक विदा दिन सुरु गरेको थियो । अहिले पनि बिभिन्न बाहनामा मजदुर माथि शोषण हुने गरेको छ मजदुरहरुले गुनासो गर्दै आएका छन् ।