अखबार नेपाल ट्रेन्डिङ

काठमाडौं: संघीय संसदको बर्षे अर्थात बजेट अधिवेशन आजबाट सुरु हुँदै छ । वर्षे अधिवेशनका आगामी आर्थिक वर्षको नीति तथा कार्यक्रममा साथै बजेट प्रस्तुत गर्नुका साथै बजेटमाथि दफावार छलफल भई पारित गरिनेछ ।

सरकारको सिफारिसमा राष्ट्रपति विद्यादेवी भण्डारीले बैशाख ८ गते आजका लागि वर्षे अधिवेशन आह्वान गर्नुभएको थियो । प्रत्येक वर्षको जेठ १५ गते नयाँ आर्थिक वर्षका लागि नयाँ बजेट ल्याउनुपर्ने संबैधानिक व्यवस्था रहेको छ । राष्ट्रपति भण्डारीले सरकारको नीति तथा कार्यक्रमा यहि शुक्रबार प्रतिनिधिसभा र राष्ट्रियसभाको संयुक्त बैठकमा प्रस्तुत गर्ने कार्यक्रम रहेको छ ।

यसैविच आगामी आर्थिक वर्षको बजेटको तयारीका लागि राष्ट्रिय योजना आयोगले सक्रियता बढाएको छ । बजेट तयारीकै सन्दर्भमा हिजो आयोगको पूर्ण बैठक सिंहदरबारमा बसेको थियो । आयोगले निर्धारण गरेको सीमालाई आधार मानेर सरकारले नीति तथा कार्यक्रम र बजेटको तयारी गर्नुका साथै योजनाहरु समावेश गर्ने छ ।