अखबार नेपाल ट्रेन्डिङ

काठमाडौं : नेपाल भारतबीच परराष्ट्र सचिवस्तरीय द्वीपक्षीय छलफल काठमाडौंमा बिहीवार सम्पन्न भएको छ । दरबारमार्गस्थित याक एण्ड यति होटलमा भएको छलफल सकिएको हो ।

उक्त छलफलमा नेपालका तर्फबाट परराष्ट्र सचिव भरतराज पौड्यालको नेतृत्वमा ११ सदस्यीय टोलीको सहभागीता थियो । बैठकमा मन्त्रालयका सहसचिव सेवा लम्साल र यज्ञबहादुर हमालसहित विभिन्न मन्त्रालयका प्रतिनिधिहरु सहभागी थिए ।

त्यस्तै, भारतका तर्फबाट भारतीय विदेश सचिव हर्षवर्द्धन श्रृङ्गलाको नेतृत्वमा भारतीय अधिकारीहरु सहभागी थिए । उक्त टोलीमा विदेश मन्त्रालयका उत्तर विभागका सहसचिव अरिन्दम बाग्ची, नेपालका लागि भारतका राजदूत विनयमोहन क्वात्रालगायत यहाँ स्थित भारतीय दूतावासका कर्मचारी रहेका थिए।

लामो समयको संवादहीनतालाई तोड्दै नेपाल भारतबीच परराष्ट्र सचिवस्तरीय द्वीपक्षीय छलफलमा दुई देशबीचको आपसी हितको विषयमा कुरा भयो । दुई देशबीच रहँदै आएको सीमा विवादको विषयमा निष्कर्ष सहितको छलफल नभएको छलफलमा सहभागी एक अधिकारीले बताए ।

यसैबीच भारतीय विदेश सचिव श्रृङ्गलाले असल सुरुवात भएको बताएका छन्। ‘हामीले राम्रो प्रगति हासिल गरेका छौं। अझ हामीले यो भन्दा राम्रो प्रगति कसरी हासिल गर्ने भन्ने विषयमा छलफल गर्‍यौं,’ ‘छलफल अत्यन्तै उत्पादक र असल सुरुवात भएको बताए ।

दुई देशबीचको छलफलमा ऐजेन्डाहरु ब्यापक भए पनि त्यसमध्ये आर्थिक क्षेत्रको साझेदारी, सांस्कृतिक साझेदारी र पूर्वाधार विकासका क्षेत्रमा छलफल भएको छ । सीमा विवादको समाधानका विषयमा ऐजेन्डा नराखिएको बताइएको छ।

यो पनि पढ्नुहोस् :

https://www.akhabarnepal.com/2020/11/19549/