अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीले आज सप्तमीका दिन जारी गरेको दशैंको शुभकामना सम्बन्धी सन्देश विवादमा परेको छ ।

जारी सन्देशमा प्रयोग भएको निसान छापमा नेपालको पुरानै नक्सा राखिएको छ ।

अघिल्लो दिन भारतीय जाजुससँग भेट् गर्नु र भोलिपल्ट प्रधानमन्त्रीले नै नेपालको वास्तविक नक्सा प्रयोग नगर्नुले गम्भीर प्रश्न उठाएको भन्दै चौतर्फी रुपमा आलोचना भएको छ ।

सरकारले भारतले अतिक्रमित गरेको नेपाली भूमि समेटेर नयाँ नक्शा जारी गरेको थियो । संविधान संशोधन गरेर नयाँ नक्सा प्रयोगमा पनि ल्याइएको थियो ।

तर प्रधानमन्त्री ओलीले नै दशैंको शुभकामना दिने क्रममा प्रयोग गरेको निशान छापमा पुरानो नक्सा प्रयोग गरेपछि प्रमुख प्रतिपक्ष दलले प्रश्न उठाएको छ ।

कांग्रेस प्रवक्ता विश्वप्रकाश शर्माले सामाजिक सञ्जाल ट्वीटरमा लिम्पियाधुरारहित नेपालको नक्सा प्रधानमन्त्रीले प्रयोग गरेको भन्दै गम्भीर विमति जनाएका छन् ।

उनले नक्सामै असुरक्षित भएको भन्दै जग्गा फिर्ता गर्ने अभियान जारी राख्ने कि यहाँको नेतृत्वमा बिसर्जन गर्ने भन्दै प्रधानमन्त्री केपी शर्मा ओलीसँग प्रश्न गरेका छन् ।