अखबार नेपाल ट्रेन्डिङ

उदयपुर : ४० वर्षीया महिलामाथि जबरजस्ती करणी गरेको अभियोगमा एक जनालाई प्रहरीले पक्राउ गरेको छ ।

बलात्कारको आरोपमा उदयपुरको रौतामाई गाउँपालिका ८ पावु बस्ने ३२ वर्षीय शम्सेर बहादुर क्याप्छाकी मगरलाई आईतबार पक्राउ गरेको प्रहरीले जनाएको छ ।

शम्सेरले ती महिलालाई असोज १६ गते राति जबरजस्ती करणी गरी फरार भएको कुरा आएपछि ईलाका प्रहरी कार्यालय रौतामाईबाट खटिएको प्रहरीले उनलाई पक्राउ गरेको प्रहरीले जनाएको छ ।

त्यस विषयमा प्रहरीले थप अनुसन्धान गरिरहेको बताईएको छ ।