सांग्रिला डेभलपमेन्ट बैकका कर्मचारीद्वारा पत्रकारमाथि दुर्व्यवहार
वि.सं.२०७७ असोज १४ बुधवार १९:२१
काठमाडौं: सांग्रिला डेभलपमेन्ट बैकका बजार ब्यवस्थापन हेर्ने एक कर्मचारीले पत्रकारमाथि दुर्व्यवहार गरेको समाचार प्राप्त भएको छ ।
जन आकाश मिडियाका प्रधान सम्पादक मोहन कार्कीमाथि बैंकका कर्मचारी रबि केसीले आफू माथि हातपात गरेको पिडित पत्रकार कार्कीले बताए ।
जन आकाश साप्ताहिक पत्रिकालाई सांग्रिला डेभलपमेन्ट बैकले व्यवसायिक बिज्ञापन प्रकाशनका लागि उपलब्ध गराएको र उक्त बिज्ञापनको बिल भुक्तानीको बिषयमा कुराकानी गर्ने क्रममा आफूमाथि एक्कासी कुर्सीबाट उठेर हातपात भएको बताए ।
नेपालमा कोरोना भाइरस नियन्त्रणका लागि गत चैत्र ११ गतेदेखि लकडाउनको अवस्था आएपछि बैंक र वित्तिय संस्थाहरु बन्द भएका कारण बैकले लकडाउन खुलेपछि फोन गरेर भुक्तानी लिन आउनु भनेको थियो कार्कीले भने ।
लकडाउन खुलेर सहज वातावरण भएपछि बिल भुक्तानीको लागि पटक-पटक कार्यालयमा धाउँदा र फोन सम्पर्कबाट पनि बिल भुक्तानी नभएपछि नेपाल पत्रकार महासंघ काठमाडौ शाखाका सदस्य समेत रहेका कार्की बैकको केन्द्रीय कार्यालय बालुवाटारमा पुगेका थिए ।
बैंकमा पुगेर व्यवसायिक विज्ञापनको बिल भुक्तानीको बिषयमा कुराकानी गर्ने क्रममा आफूमाथि आक्रमण भएपछि बैंकमा कार्यरत कर्मचारीहरुको प्रयासमा थप आक्रमणबाट जोगिएको पत्रकार कार्कीले अखबार नेपाललाई जानकारी दिए ।
वि.सं.२०७७ असोज १४ बुधवार १९:२१