अखबार नेपाल ट्रेन्डिङ

काठमाडौं: दश महिनादेखि बन्द मलेसियाको श्रम स्वीकृति आजदेखि खुल्दै छ । कलिङ् भिसा लिएर श्रम स्वीकृति कुरिरहेका करीब ७ हजार नेपाली कामदारलाइ रोजगारीका लागि मलेशिया जाने बाटो खुलेको हो । वैदेशिक रोजगार विभागले कलिङ भिसा आइसकेका नेपाली कामदारलाई मलेसिया जान दिने निर्णय गरेको हो ।

वैदेशिक रोजगार व्यवसायी संघले गत कार्तिक १२ मा सम्पन्न द्विपक्षीय श्रम समझदारीको मर्म र भावना अनुसार कार्यान्वयन गर्ने जिम्मेवारी लिएपछि विभागले श्रम स्वीकृति दिन वैदेशिक रोजगार कार्यालयलाई आइतबार पत्र पठाएर कलिङ भिसा आइसकेको नेपाली कामदारलाई श्रम स्वीकृति दिन भनेको छ । गत जेठ २ गतेदेखि बन्द भएपछि कलिङ भिसा पाएका झन्डै ७ हजार नेपाली कामदार मलेसिया जान पाएका छैनन् ।