मेयर विद्यासुन्दर शाक्यलाई कोरोना संक्रमण, डा. भोला रिजाल र उनकी पत्नीलाई पनि कोरोना
वि.सं.२०७७ भदौ १५ सोमवार २३:३३
काठमाडौं: काठमाडौं महानगरपालिकाका मेयर विद्यासुन्दर शाक्यलाई कोरोना पोजेटिभ भएको छ ।
ग्राण्डी अस्पतालमा आफू र श्रीमतीले कोरोनाको परीक्षण गर्दा आफूलाई कोरोना भएको उनले जनाएका छन् । उनले आफू हाल होम आइसोलेशनमा रहेको समेत बताएका छन् ।
यसैबीच वरिष्ठ स्त्री रोग विशेषज्ञ डाक्टर भोला रिजाललाई कोरोना संक्रमण पुष्टि भएको छ ।
डा. रिजालसँगै उनकी पत्नीलाई पनि कोरोना पुष्टि भएको छ ।
आफूलाई शनिवार कोरोना संक्रमण पुष्टि भएपछि आइतवारदेखि ह्याम्स अस्पतालमा भर्ना भएका छन् ।
अस्पताल भर्ना भएपछि हाल कोरोनाको लक्षण नदेखिएको र स्वास्थ्य अवस्था सामान्य नै रहेको डा. रिजालले जानकारी दिएका छन् ।
वि.सं.२०७७ भदौ १५ सोमवार २३:३३