अखबार नेपाल ट्रेन्डिङ

काठमाडौं: नेपालमा थप २७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार नेपालमा कोरोना भाइरस संक्रमितहरुको संख्या ४ सय २ पुगेको छ । थपिएका नयाँ संक्रमित १७ देखि ४२ वर्षसम्मका रहेका छन् ।

आज थप भएका संक्रमितहरु झापाका ९, मोरङ १, सुनसरी १, सर्लाही २, काठमाडौं ३, भक्तपुर १, मकवानपुर १, रामेछाप १, ललितपुर १, सिन्धुली १, लमजुङ १, कपिलवस्तुको ४ र नवलपरासी १ गरी २७ जना थपिएका हुन् । उनीहरुको कन्ट्याक्ट ट्रेसिङको काम भइरहेको मन्त्रालयले जनाएको छ ।

स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन् । नेपालमा संक्रमण पुष्टि भएकामध्ये ३७ जना अहिले संक्रमणमुक्त भएका छन् । २ जना संक्रमितको भने मृत्यु भइसकेको छ । हाल ४ सय १२ जना रेडजोनमा रहेको समेत डा देवकोटाल जानकारी दिए ।