अखबार नेपाल ट्रेन्डिङ

काठमाडौं: सुनुवार विद्यार्थी समाज सङ्घीय समितिको छैठौं राष्ट्रिय महाधिवेशन सुनुवार सेवा समाज सङ्घीय समितिको भवन काठमाडौंमा १३ सदस्सीय समिति गठन गर्दै सम्पन्न भएको छ । पाँचथर, झापा, सुनसरी लगायतका ८ जिल्लाको प्रतिनीधित्व सहित करिब १५० जनाको हाराहारीमा उपस्थिति रहेको थियो ।

सुनुवार विद्यार्थी समाज सङ्घीय समितिको छैठौं राष्ट्रिय महाधिवेशनद्वारा अध्यक्ष: सागर सुनुवार, बरिष्ठ उपाध्यक्ष: त्रिष्णा सुनुवार, महासचिव: बीर बहादुर सुनुवार, सचिव: विवेक सुनुवार, कोषाध्यक्ष: फणिन्द्र सुनुवार, सदस्यहरुमा: निर्भिक सुनुवार, मनिसा सुनुवार, गिता सुनुवार, खड्क बहादुर सुनुवार, मणिराज सुनुवार, अनिष सुनुवार, नविन कुमार सुनुवार र सन्ध्या सुनुवार सर्वसम्मत चुनिएका छ्न ।

कार्यक्रमको उद्घाटन सत्रमा सुनुवार विध्यार्थी छात्रवृत्ति अक्षकोष अन्तर्गतको स्नातक तहमा अध्ययन गर्ने ३ जना विध्यार्थीलाई पूर्ण छात्रवृत्ति प्रधान गरिएको थियो । यसै अवसरमा सुनुवार विध्यार्थी समाजको मुखपत्र विमोचन, समुदायका सम्माननीय व्यक्तित्वहरुलाई समान कार्यक्रम, कदर-पत्र वितरण लगायतका महत्वपूर्ण कार्यक्रमहरु रहेका थिए । प्रमुख अतिथिमा सुनुवार सेवा समाज सङ्घीय समितिका अध्यक्ष रनबीर सुनुवार रहेका थिए भने कार्यक्रममा कलाकारहरुको सांगीतिक प्रस्तुति पनि रहेको थियो ।