अखबार नेपाल ट्रेन्डिङ

काठमाडौं:  नेपाल सरकारले कोरोना संक्रमितको निःशुल्क उपचार गर्ने व्यवस्था निजी अस्पताल तथा मेडिकल कलेजमा मिलाएको छ । यसका लागि सरकारले ती अस्पताल तथा मेडिकल कलेजसँग सम्झौता गरेको हो ।

स्वास्थ्य तथा जनसंख्या मन्त्रालयले ७ प्रदेशका ३० वटा निजी अस्पताल तथा मेडिकल कलेजमा कोरोना संक्रमितको निःशुल्क उपचारका लागि व्यवस्था मिलाएको छ । सरकारले संक्रमितको निःशुल्क उपचार सेवा उपलब्ध गराउन बागमती प्रदेशमा १७, सुदूरपश्चिम प्रदेशमा ६, लुम्बिनी प्रदेशमा , गण्डकी र प्रदेश २ मा २/२ र प्रदेश १ मा एउटा निजी अस्पतालसँग सम्झौता गरेको छ।

सम्झौताअनुसार सरकारले यी निजी अस्पतालालई आइसोलेसनमा प्रतिदिन प्रतिव्यक्ति ३ हजार ५०० रुपैयाँ, मध्यम जटिल केसका बिरामीको उपचारका लागि ७ हजार रुपैयाँ र आईसीयू तथा भेन्टिलेटरमा उपचारका गर्नेलाई १५ हजारका दरले सोधभर्नाबापत रकम उपलब्ध गराउनेछ। यसका लागि ती अस्पतालहरुले संक्रमितको उपचार खर्चको विवरण स्वास्थ्य मन्त्रालयलाई बुझाउनु पर्नेछ।

यो पनि पढ्नुहोस् :

नेपाल उद्योग परिसंघले २०० थान अक्सिजन सिलिण्डर हस्तान्तरण