अखबार नेपाल ट्रेन्डिङ

काठमाडौं : नेपाल सरकारले सुरक्षा र व्यापारिक महत्वलाई मध्यनजर राख्दै संवेदनशील मानिने सीमा क्षेत्रमा सुरक्षा बढाउँदै लगेको छ ।

र्चुलाको छाङ्रुदेखि नवलपरासीको सुस्ता हुँदै ताप्लेजुङको ओलाङचुङगोलासम्म २०७७ वैशाखदेखि हालसम्मको रेकर्ड अनुसार सशस्त्र प्रहरी बल (एपीएफ) का ५० ओटा बीओपी स्थापना गरिसकेकोे छ ।

यसअघि भने चीनतर्फको सीमा क्षेत्रमा कुनैपनि बीओपी थिएन । गएको ६ महिनाको अवधिभित्र चीनतर्फ पनि ५ स्थानमा बीओपी खडा गरिएको छ भने इन्डियातर्फ ४५ ओटा बीओपी थपिएको छ ।

सीमा सुरक्षालाई अत्ति महत्वमा राख्दै (दीर्घकालिन रणनीति तयार गर्दै) सशस्त्र प्रहरी बलले चीनतर्फ घटीमा १५ स्थानमा र इन्डियातर्फ ४ सय ८५ स्थानमा बीओपी स्थापना गर्ने योजनाकासाथ काम अघि बढाएको छ ।