अखबार नेपाल ट्रेन्डिङ

काठमाडौं: चिकित्सक आक्रमणको विरोधमा नेपाल चिकित्सक संघले आज देशभरका सबै स्वास्थ्य संस्थामा आकस्मिक बाहेकका स्वास्थ्य सेवा बन्द गर्ने भएका छन् ।

संघले शनिबार एक विज्ञप्ति जारी गरी आइतबार स्वास्थ्य संस्थामा आकस्मिक बाहेकका सेवा सञ्चालन नहुने जानकारी गराएका छन् । सबै सरकारी स्वास्थ्य संस्था, अस्पताल, मेडिकल कलेज, निजी अस्पताल तथा क्लिनिकमा सेवा बन्द गर्ने घोषाणा गरिएको छ ।

सञ्चो अस्पताल हेटौँडाका डाक्टरमाथि भएको सांघातिक आक्रमणमा संलग्न दोषीमाथि कारबाहीको माग गर्दै देशभरका चिकित्सक तथा स्वास्थ्यकर्मी आन्दोलित छन् । यो प्रकरणमा प्रहरीले अहिलेसम्म ४ जना पक्राउ गरेको छ । आक्रमण गर्नेहरूलाई कारबाहीको सुनिश्चित हुनुपर्ने पनि उनीहरूको माग छ ।