अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयका अनुसार देशभर पछिल्लो २४ घण्टामा नेपालमा थप ४५५ जनामा कोरोना संक्रमण पुष्टि भएको छ ।

मन्त्रालयका अनुसार देशभर गरिएको दुई हजार ३०८ पिसिआर परीक्षणका क्रममा ३०५ जना र दुई हजार ५२१ एन्टीजेन परीक्षणका क्रममा १५० जनामा कोरोना संक्रमण पुष्टि भएको हो ।

कोरोना संक्रमणका कारण थप दुई जनाको मृत्यु भएको छ भने हालसम्म नेपालमा कोरोनाका कारण ११ हजार ९८८ जनाको मृत्यु भइसकेको छ ।

त्यस्तै थप ३०२ संक्रमित निको हुँदा हालसम्म नेपालमा ९ लाख ७५ हजार ६०९ जना निको भएका छन् ।

हाल नेपालमा कोरोना भाइरसको सक्रिय संक्रमितको संख्या पाँच हजार ४३५ रहेको छ ।