अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप ७६० जनामा कोरोना संक्रमण पुष्टि भएको जनाएको छ ।

मन्त्रालयका अनुसार देशभर गरिएको दुई हजार ५८९ पिसिआर परीक्षणका क्रममा ४९४ जना र तीन हजार ३३७ एन्टीजेन परीक्षणका क्रममा २६६ जनामा कोरोना संक्रमण पुष्टि भएको जनाएको हो ।

कोरोना संक्रमणका कारण थप एक जनाको मृत्यु भएको स्वास्थ्य मन्त्रालयले जनाएको छ । नेपालमा हालसम्म कोरोनाका कारण ११ हजार ९६९ जनाको मृत्यु भएको छ ।

त्यस्तै थप ३२४ जना संक्रमित निको हुँदा अहिलेसम्म  ९ लाख ७१ हजार २५० संक्रमित निको भएर अस्पतालबाट घर फर्किएका छन् ।

हाल नेपालमा ५ हजार ६ सय २ सक्रिय संक्रमित आइसोलेसनमा रहेको मन्त्रालयले जनाएको छ ।