अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा ५ सय २१ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार १० हजार ११५ जनाको स्वास्थ्य परीक्षण गर्दा ५ सय २१ जनामा संक्रमण पुष्टि भएको जनाएको छ ।

आज ६ हजार ३७ जनाको पीसीआर र ४ हजार ७८ जनाको एन्टिजेन परीक्षण गरिएको थियो ।

पीसीआर परीक्षणबाट ४ सय २७ र एन्टिजेन परीक्षणबाट ९४ जनामा कोरोना संक्रमण पुष्टि भएको मन्त्रालयले जनाएको छ ।

सोही अवधिमा ३ हजार ९ सय ३५ जनाले कोरोनालाई जितेका छन् ।

आज थप १० जनाको मृत्यु भएको छ ।

योसँगै नेपालमा कोरोनाबाट ज्यान गुमाउनेको संख्या ११ हजार ८ सय ९२ पुगेको छ ।

अहिले देशभर २२ हजार ५ सय ८४ जना सक्रिय संक्रमित छन् ।