अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा तीन हजार ६३७ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ११ हजार ५ सय ८२ नमुना परीक्षण गर्दा ३ हजार ६ सय ३७ जनामा कोरोना संक्रमण पुष्टि भएको मन्त्रालयले जनाएको हो ।

पछिल्लो २४ घण्टामा ६ हजार ४ सय ९९ पीसीआर परीक्षण गर्दा २ हजार २ सय ५ जनामा र ५ हजार ८३ एन्टिजेन परीक्षण गर्दा १ हजार ४ सय ३२ जनामा कोरोना संक्रमण पुष्टि भएको मन्त्रालयले जनाएको छ ।

योसँगै देशभर सक्रिय संक्रमितको संख्या ६९ हजार २ सय ९१ जना पुगेको छ ।

पछिल्लो २४ घण्टामा ७ हजार ५ सय ५५ जनामा कोरोना संक्रमणबाट मुक्त हुँदा १२ जना संक्रमितको मृत्यु भएको छ ।