अखबार नेपाल ट्रेन्डिङ

काठमाडौं: कोरोनाको तथ्याङ्क अद्यावधिक गर्दै आएको वल्डोमिटरका अनुसार विश्वभर ७ करोड ३० लाख ४४ हजार ७ सय ४ जना सक्रिय सङ्क्रमित छन् ।

जसमध्ये ९३ हजार ३ सय ५२ जनाको अवस्था जटिल रहेको र बाँकीको अवस्था सामान्य रहेको पाइएको छ ।

अहिलेसम्म ३७ करोड ७२ लाखभन्दा धेरैमा सङ्क्रमण पुष्टि भएकोमा २९ करोड ८५ लाख निको भएका छन् भने ५६ लाख ८९ हजारको भने मृत्यु भइसकेको छ ।

के छ नेपालको अवस्था ?

नेपालमा पछिल्लो २४ घण्टामा ५ हजार २ सय ९२ संक्रमित थपिएका छन् ।

स्वास्थ्य तथा जनसंख्या मन्त्रालयले सार्वजनिक गरेको विवरण अनुसार १० हजार ३ सय ६८ जनाको पीसीआर परीक्षण गर्दा ३ हजार ४ सय ७२ जनामा संक्रमण पुष्टि भएको छ ।

त्यस्तै ५ हजार ७ सय २० जनाको एन्टिजेन परीक्षण गर्दा १ हजार ८ सय २० जनामा नयाँ संक्रमण पुष्टि भएको छ ।

सोमबार थप ८ जनाले ज्यान गुमाएका छन् ।

नयाँ संक्रमित थपिएसँगै नेपालमा सक्रिय संक्रमितको संख्या ७९ हजार २ सय ७२ पुगेको छ ।