अखबार नेपाल ट्रेन्डिङ

काठमाडौं: सोमबार बसेको मन्त्रिपरिषद् बैठकले दूधको मूल्य बढाएको छ ।

सरकारले दूधको मूल्य प्रतिलिटर ५६ रुपैयाँ चार पैसा कायम गरेको छ ।

यसअघि दूधको मूल्य ४९ रुपैयाँ ५२ पैसा थियो ।

किसानले लामो समयदेखि दूध उत्पादन लागत बढेको भन्दै मूल्य बढाउन माग गर्दै आएका थिए ।

कृषि तथा पशुपक्षी विकास मन्त्रालयलाई केन्द्रीय दुग्ध सहकारी संघ लिमिटेडले दूधको लागत मूल्य नउठेको भन्दै बढाउन दबाब दिएको थियो ।

त्यसपछि गठन भएको अध्ययन समितिको सुझाव अनुसार मन्त्रालयले दूधको मूल्य बढाउने प्रस्ताव मन्त्रिपरिषद्मा पेश गरेको थियो ।

दूधको मूल्य साढे दुई वर्षयता समायोजन भएको थिएन ।

यसअघि हरेक वर्ष मूल्य समायोजन हुँदै आएको थियो ।