YouTube Link

कोभिड-१९ को नयाँ भेरियन्टले विश्वभर तरंग, अफ्रिकी देशमाथि यात्रा प्रतिबन्ध लगाइँदै

Facebook Link

 

काठमाडौं: विश्वभरका स्वास्थ्य अधिकारीहरू शुक्रवार दक्षिण अफ्रिकामा पत्ता लागेको कोभिड-१९ को नयाँ भेरियन्टले सबैलाई चिन्तित बनाएको बताएका छन् ।

 

अनुसन्धानकर्ताहरूले भाइरसको सो म्युटेसन (उत्परिवर्तन) खोप-प्रतिरोधी छ/छैन भनेर पत्ता लगाउदैँ गर्दा युरोपियन युनियन (ईयू) र बेलायतले सीमामा कडाइ गर्ने निर्णय गरेको छ ।

 

एक दक्षिण अफ्रिकी वैज्ञानिकले लन्डनको प्रतिबन्धलाई ‘भ्याक्सिन रंगभेद’को लक्षण भनिरहँदा युरोपेली आयोगका प्रमुख उर्सला भोन डर लेयनले भने ईयूले पनि अफ्रिकी क्षेत्रबाट हवाई यात्रा रोक्ने बताइन् ।

 

‘सबै युरोपमा धेरै छिटो, निर्णायक र एकताबद्ध रूपमा कार्य गर्न आवश्यक छ’, भोन डर लेयनले भनिन्, ‘यो नयाँ भेरियन्टले निम्त्याउने खतराको बारेमा हामीले स्पष्ट नबुझ्दासम्म यी देशहरूमा सबै हवाई यात्राहरू प्रतिबन्ध गरिनुपर्छ ।’

 

त्यसलगत्तै बसेको ईयू राष्ट्रहरुको बैठकले अफ्रिकी मुलुकमा यात्रा प्रतिबन्ध लगाउने निर्णय गरेको थियो । ईयू राष्ट्रहरूले दक्षिणी अफ्रिकाका देशहरूमा नयाँ कोरोना भाइरस भेरियन्ट फेला परेपछि आपत्कालीन उडान प्रतिबन्ध लगाउने ईयू आयोगका प्रवक्ता एरिक मेमरले बताएका छन् ।

 

‘सबै २७ ईयू राष्ट्रका स्वास्थ्य प्रमुखहरू शुक्रवारको आपतकालीन बैठकमा यात्रा प्रतिबन्ध लगाउन सहमत भए,’ मेमरले ट्विटरमा लेखेका छन् ।

 

B.1.1.529 को रूपमा चिनिएको नयाँ भेरियन्ट दक्षिण अफ्रिका, बोत्सवाना र हङकङमा पनि पहिचान गरिएको छ । डब्लुएचओले यसलाई ‘भेरियन्ट अफ कन्सर्न’ घोषित गरेको छ ।

 

डब्लुएचओले यसै साता मात्रै पहिलो पटक पहिचान गरिएको यो भेरियन्टविरूद्ध खोपहरू कत्तिको प्रभावकारी छ भनेर निर्धारण गर्न हप्ता दिनसम्म लाग्ने बताएको छ ।

 

दक्षिण अफ्रिकी वैज्ञानिकहरूले देशमा संक्रमणमा अचानक उकालो लाग्नुको पछाडि नयाँ भेरियन्ट कारण हुनसक्ने आशंका गरेका छन् । तर, देश बाहिर यो कति टाढासम्म फैलिएको छ भन्ने बारे भने यकिन भन्न सकिने अवस्था नरहेको उनीहरुले बताएका छन् ।

 

युरोपमा नयाँ भेरियन्ट ‘ओमिक्रोन’ को पहिलो  केस बेल्जियममा पहिचान गरिएको थियो । नयाँ भेरियन्ट बोत्सवाना, इजरायल र हङकङमा देखिएको छ ।

 

यता, एसियामा पनि भेरियन्ट ‘ओमिक्रोन’ को संक्रमण फैलिने जोखिम छ । भारतले सबै राज्यहरूलाई दक्षिण अफ्रिका र अन्य ‘जोखिममा’ रहेका देशहरूका अन्तर्राष्ट्रिय यात्रुहरूको परीक्षण र स्क्रिन गर्नको लागि निर्देशन जारी गरेको छ । यता, जापानले सीमामा कडाइ गरेको छ।

 

डब्लुएचओका अनुसार अहिलेसम्म नयाँ भेरियन्टको १०० भन्दा कम ‘सेम्पल सेक्वेन्स’ रिपोर्ट गरिएको छ ।

X link
Facebook Link

KFC
YouTube Link
Golden Peak High School
स्वरुप परिवर्तन गरी अशान्ति मच्चाउने ४ सय ५ बुलेटलगायतका मोटरसाइकल नियन्त्रणमा लिई कारबाही

स्वरुप परिवर्तन गरी अशान्ति मच्चाउने ४ सय ५ बुलेटलगायतका मोटरसाइकल नियन्त्रणमा लिई कारबाही

वि.सं.२०८३ मंसिर १ मंगलवार १४:१०

काठमाडौं: स्वरुप परिवर्तन गरेर सडक र समाजलाई अशान्त पार्ने बुलेटलगायतका...

गायक सुनिल थापा मगरको नयाँ गीत ‘ढाट्या भए मै मरि जाउला’ सार्वजनिक {भिडियो सहित}

गायक सुनिल थापा मगरको नयाँ गीत ‘ढाट्या भए मै मरि जाउला’ सार्वजनिक {भिडियो सहित}

वि.सं.२०८३ कात्तिक ३० सोमवार १२:४१

काठमाडौं । नेपाली सांगीतिक क्षेत्रमा आफ्नो छुट्टै पहिचान बनाउँदै आएका...

२५ वटा स्कुटी र २५ वटा मोटरसाइकल खोज-तलास गरी सम्बन्धित धनीलाई फिर्ता

२५ वटा स्कुटी र २५ वटा मोटरसाइकल खोज-तलास गरी सम्बन्धित धनीलाई फिर्ता

वि.सं.२०८३ कात्तिक २० शुक्रवार १५:४४

काठमाडौं: सुझबुझपूर्ण र दूरदर्शी कमाण्ड अनि हरेक ट्राफिक काम-कारबाहीलाई सिर्जनशील,...

ऐतिहासिक-पुरातात्त्विक सम्पदा संरक्षण, सम्वर्द्धन र प्रवर्द्धनमा नेपाली सेनाको भूमिका

ऐतिहासिक-पुरातात्त्विक सम्पदा संरक्षण, सम्वर्द्धन र प्रवर्द्धनमा नेपाली सेनाको भूमिका

वि.सं.२०८३ कात्तिक १८ बुधवार १५:०६

भक्तपुरः देशका विभिन्न भागमा छरिएर रहेका ऐतिहासिक तथा पुरातात्त्विक सम्पदाहरूको...

‘इन्जिनियरिङ बीमासम्बन्धी निर्देशन’ को मस्यौदा तयार, ७ दिनभित्र राय सुझाव दिन माग

‘इन्जिनियरिङ बीमासम्बन्धी निर्देशन’ को मस्यौदा तयार, ७ दिनभित्र राय सुझाव दिन माग

वि.सं.२०८३ कात्तिक १८ बुधवार १३:०१

काठमाडौं: नेपाल बीमा प्राधिकरणले ‘इन्जिनियरिङ बीमासम्बन्धी निर्देशन, २०८३’ को मस्यौदा...

लाभांश नलिएका सेयरधनीलाई नबिल बैंकको ताकेता

लाभांश नलिएका सेयरधनीलाई नबिल बैंकको ताकेता

वि.सं.२०८३ कात्तिक १८ बुधवार १२:५६

काठमाडौं: नबिल बैंकले नगद लाभांश प्राप्त नगरेका सेयरधनीलाई आवश्यक प्रक्रिया...