अखबार नेपाल ट्रेन्डिङ

काठमाडौं: श्रम, रोजगार तथा सामाजिक सुरक्षा मन्त्रालयले बेलायत रोजगारीमा १० हजार स्टाफ नर्स पठाउने गरी समन्वय गरिरहेको जानकारी दिएको छ ।

शुक्रबार बैदेशिक रोजगार पत्रकार समाजले आयोजना गरेको कार्यक्रममा बोल्दै मन्त्रालयका सचिव सूर्यप्रसाद गौतमले बेलायत सरकारले नेपालबाट नर्स लैजान चाहेकाले सम्झौताको तयारी गरिएको जानकारी दिए ।

‘हामी कसरी श्रमिकमैत्री सम्झौता गर्न सकिन्छ भनेर छलफल गरिरहेका छौँ । यसमा छिट्टै नै काम हुन्छ’, सचिव गौतमले भने । श्रम मन्त्री कृष्णकुमार श्रेष्ठले पनि मन्त्रालयले नयाँ श्रम गन्तव्य खोजी गरिरहेको बताए ।

‘हामी बेलायत जस्ता अरु सुरक्षित गन्तव्यको खोजी गरिरहेका छौँ । त्यस्ता मुलुकमा हामी श्रम सम्झौता गरेर श्रमिक पठाउँछौँ’, उनले  भने । सम्झौता भइसकेका मुलुकहरुको पनि पुनरावलोकन गरिने उनले बताए ।