अखबार नेपाल ट्रेन्डिङ

काठमाडौँ: अर्कोसाता रुसको कूटनीतिक टोली कोरोना विरुद्धको खोप ‘स्पुटनिक -भि’ को नमूना लिएर नेपाल आउंँने भएको छ । रुसले विकास गरेको कोरोनाविरुद्धको खोपको नमुना लिएर रुसी कूटनीतिक टोली नेपाल आउंँने भएको हो

नेपालस्थित रसियन दुतावासका उच्च अधिकारीले शुक्रबार स्वास्थ्य तथा जनसंख्या मन्त्री भानुभक्त ढकाललाई भेट गरी सो जानकारी गराएका हुन् । उनीहरुले अर्को साता आउने टोलीले ‘स्पुटनिक-भि’ को ५ हजार भाइल स्याम्पल लिएर आउने भन्दै त्यसको भण्डारणको व्यवस्था गरिदिन आग्रह समेत गरेको स्वास्थ मन्त्रालयले जनाएको छ ।

शुक्रबारको भेटघाटमा रसियन टोलीले आफूले उत्पादन गरेको खोप प्रयोगको अवस्था, यसको भण्डारणका विषयमा जानकारी गराएका थिए । उनीहरुले मन्त्रालयका अधिकारीहरुलाई स्पुटनिक भि खोप दुई देखि ८ डिग्री तापक्रम र माइनस १८ डिग्री तापक्रममा राख्न मिल्ने गरी तयार पारिएको जानकारी दिएका थिए ।

नेपालमा अहिले २ देखि ८ डिग्री तापक्रममा रहने खोपको भण्डारण गर्ने क्षमता रहेको छ ।