अखबार नेपाल ट्रेन्डिङ

काठमाडौं: पछिल्लो २४ घण्टामा थप एक हजार १६ जना कोरोना भाइरसका संक्रमित थपिएका छन् ।

नेपालमा १३ हजार ९ सय २६ पीसीआर परीक्षणमध्ये एक हजार १६ जना संख्यामा संक्रमित थपिएसँगै कोरोना भाइरसबाट संक्रमितको संख्या २८ हजार २ सय ५७ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा ८५ जना सहित १७ हजार ५ सय ८० जना संक्रमणमुक्त भई डिस्चार्ज भएका छन् । कोरोनाबाट थप ७ जना सहित १ सय १४ जनाको मृत्यु भएको मन्त्रालयले जनाएको छ ।