अखबार नेपाल ट्रेन्डिङ

एजेन्सी: इरानका सर्वोच्च नेता अयतोल्लाह खमेनीले इजरायललाई समाप्त पार्ने चेतावनी दिएका छन् । तेहरानमा आयोजित एक इस्लामिक कन्फ्रेन्समा खमेनीले सो कुरा बताएका हुन् । उनले इजरायलको बर्बादी यहुदीहरुको बर्बादी नभएको पनि बताएका छन् ।

एक देशको रुपमा इजरायललाई नष्ट गर्नु भनेको यहुदीलाई नष्ट गर्नु होइन । यसको मतलब यो हो कि प्यालेष्टाइनी, चाहे त्यो मुसलमान होस्, ईसाई या यहुदी होस्, उनीहरुले आफ्नो सरकार रोज्नुपर्छ उनले भनेका छन् । सन् १९७९ मा इरानको क्रान्तिपछि कट्टरपन्थीहरु सत्तामा आएका थिए । त्यही बेलादेखि नै इरानी नेताहरुले इजरायललाई समाप्त पारिदिने कुरा गर्दै आएका छन् । इजरायलले मुसलमानहरुको जमिनमा अवैध रुपमा कब्जा जमाएको आरोप इरानले लगाउँदै आएको छ । इजरायलले पनि इरानलाई खतराको रुपमा लिन्छ । उसले सधैं इरानसँग परमाणु हतियार हुन नहुने बताउँछ ।

मध्यपूर्वमा इरानको बढ्दो प्रभावबाट इजरायलका नेताहरुको चिन्ता बढ्दै गएको छ । इरानका सर्वोच्च नेता खमेनीले अमेरिकासहित पश्चिमा राष्ट्रहरुले इजरायलको परमाणु कार्यक्रमलाई रोक्न खोजेको भन्दै आलोचना पनि गरेको छ । अमेरिकाले इरानले बम बनाउनका लागि वर्षौंदेखि काम गरिरहेको आरोप लगाउँदै आएको छ । त्यसैले अमेरिकाले इरानमा धेरै प्रकारका प्रतिबन्धहरु लगाएको छ ।