अखबार नेपाल ट्रेन्डिङ

एजेन्सीः रूसले सबैभन्दा धेरै जनसंख्या भएको सहर समेत रहेको युक्रेनको राजधानी कीभमा हवाइ आक्रमण गरेपछि सशस्त्र बलहरूले युक्रेनीलाई अन्य आश्रयस्थलमा जान अनुरोध गरेको छ ।

कीभबाट ५४२ किलोमिटर टाढा रहेको पूर्वी डोनेट्स्क क्षेत्रको क्रामतोस्र्कमा आइतबार राति पाँचवटा मिसाइल प्रहार भएको उक्त क्षेत्रका सरकारले बताएका छन् ।

टेलिग्रामलाई गभर्नर पाभ्लो किरिलेन्कोले दुई रकेट सहर बाहिरको मैदानमा, दुई औद्योगिक क्षेत्रमा र एउटा निजी क्षेत्रमा खसेको बताए । रूसी सेनाले अवडिभका सहरमा पनि गोलाबारी गरेको जानकारी दिएका छन् ।

कीभमा मिसाइल आक्रमणको खतरा बढेपछि हवाइ रक्षाको तयारी युक्रेनले गरेको छ । राजधानी कीभमा पनि विष्फोटको आवाज आएको बताइएकोमा थप जानकारी आइनसकेको टेलिग्रामले बताएको छ । विस्फोटकोफ आवाज सुनेपछि कीभको एयर डिफेन्सले संयमता अपनाइ सुरक्षित स्थानमा बसाइँ सर्न आग्रह गरेको छ ।

‘कीभ मिसाइल आक्रमणको खतरामा छ, उत्तरी, मध्य र पूर्वी क्षेत्र पनि खतरामा छन्,’ टेलिग्राम च्यानलले भनेको छ । मिसाइल आक्रमणको क्षतिबारे अहिलेसम्म कुनै रिपोर्ट सार्वजनिक भएको छैन ।