अखबार नेपाल ट्रेन्डिङ

एजेन्सी: पाकिस्तानको पञ्जाब प्रान्तमा एक अस्पतालभित्र दुई समूहबीच भएको झडपमा पाँच जनाको मृत्यु भएको छ । स्थानीय सञ्चारमाध्यमका अनुसार पञ्जाब प्रान्तको नान्काना साहिब जिल्लामा रहेको एक अस्पतालमा सो घटना भएको हो ।

सोमबार अबेर राति जिल्ला अस्पतालमा दुई समूहबीच विवाद चलेको थियो । विवादले उग्र रुप लिँदा दुई समूहकाबीच गोली हानाहान हुँदा चार जनाको घटनास्थलमै मृत्यु भएको थियो । गोली हानाहानमा घाइते भएका एक व्यक्तिको उपचारको क्रममा अस्पतालमा मृत्यु भएपछि मृतकको संख्या पाँच पुगेको स्थानीय प्रहरीले जनाएको छ । झडपमा सात जना घाइते भएका छन् । घाइतेहरुमध्ये तीन जनाको अवस्था गम्भीर रहेको जनाइएको छ ।