अखबार नेपाल ट्रेन्डिङ

एजेन्सीः इजरायली सेनाले गाजापट्टीको हमासमा हमला गरेको छ ।

हमासको रकेट लन्चर राखिएको र हतियार निर्माण गर्ने स्थलमा शनिबार राती हमला गरिएको इजरायली सेनाले जनाएको छ ।

गाजामा प्रत्यक्ष रुपमा यस घटना नियालेका व्यक्ति र सुरक्षा स्रोतका अनुसार आक्रमणमा भने कसैको मृत्यु भएको छैन ।

गाजा शहरको पश्चिमतर्फ रहेका पूर्वाधारहरुमा फाइटर जेटले हमला बोलेको प्रत्यक्षदर्शीले बताएका छन् ।

यसअघि गाजा क्षेत्रबाट आगो सहितका बेलुन लन्च गरिएको दाबी इजरायली सेनाले गरेको थियो ।

तर, गाजामा रहेको कुन समूहले यस्तो बेलुन पठायो भन्ने खुलेको छैन । इजरायलले गाजा क्षेत्रबाट हुने हरेक आतंककारी गतिविधिको दोष हमासलाई लगाउने गरेको छ ।