अखबार नेपाल ट्रेन्डिङ

एजेन्सी: रुसको राजधानी मस्कोमा आपत्कालीन अवतरण गरेको हवाई जहाजमा आगो लाग्दा ४१ जनाको मृत्यु भएको छ । ७८ जना यात्रु रहेको रुसी राष्ट्रिय ध्वजावाहक एरोफ्लोटले विमान आपत्कालीन अवतरण गरेपछि धावनमार्गमै जहाजको इन्जिनमा आगो लागेको बताइएको छ ।

रुसी सञ्चार माध्यमका अनुसार मृत्यु हुनेमा दुईजना बालबालिका समेत रहेका छन् । आपत्कालिन अवतरणपछि जहाजको इन्जिनमा आगो लागेको बताइएपनि कारण भने खुलिसकेको छैन । विमान प्राविधिक कारणले विमानस्थल फर्किएर अवतरण गरे लगतै आगो लागेको र आगोले छपकै छोपेको प्रत्यक्षदर्शीहरुले बताएको सञ्चारमाध्यमले जनाएका छन् ।

मिखाइल सेभचेन्को धावनमार्गमा आगो लागेको जहाजको आपतकालिन द्वारबाट केही यात्रुहरु बाहिर निस्किएर ज्यान जोगाउन सफल भएका छन् । रुसी स्वास्थ्य मन्त्रालयका अनुसार ६ जनालाई अस्पताल भर्ना गरिएको र ती मध्ये तीनजनाको अवस्था गम्भिर रहेको बताएको छ ।