अखबार नेपाल ट्रेन्डिङ

काठमाडौं: हङकङमा आइतबार राति नेपालीले सञ्चालन गरेको रेष्टुरेण्टमा आगलागी हुँदा ७ जना नेपालीको मृत्यु भएको छ ।

मृत्यु हुनेहरुमा केही बालबालिका र महिला पनि रहेको बताइएको छ । ७ जना मध्ये ४ महिला र ३ पुरुष रहेका छन् ।

हङकङबाट प्रकाशित हुने साउथ चाइना मर्निंग पोस्टका अनुसार एक ९ वर्षीय बालकको पनि मृत्यु भएको छ ।

समाचार अनुसार ठूलो संख्यामा अन्य नेपालीहरु घाइते भएका छन् । नेपालीले अनुमति नलिएर सञ्चालन गरिरहेको रेष्टुरेण्टमा आगलागी भएको जनाइएको छ ।

हङकङको यु मा तेइस्थित कटन रोड एण्ड सेंगन स्ट्रीटस्थित भवनमा आगलागी भएको साउथ चाइना मर्निंग पोस्टले जनाएको छ ।

घाइतेहरुको अस्पतालमा उपचार भइरहेको र २ जनाको अवस्था गम्भीर रहेको समाचारमा जनाइएको छ ।