अखबार नेपाल ट्रेन्डिङ

एजेन्सीः विश्वव्यापी महामारी रुप लिएको कोरोना भाइरसबाट संक्रमित र मृत्यु हुनेको संख्या निरन्तर बढिरहेको छ । विश्वभर ३३ लाख ७ हजार बढी कोरोना संक्रमित हुँदा २ लाख ३४ हजार ७५ जनाको मृत्यु भएको छ । १० लाख ३९ हजार १ सय ८२ जना उपचार पछि निको भएका छन् ।

पछिल्लो तथ्यांक अनुसार सबैभन्दा बढी अमेरिकामा १० लाख ९४ हजार बढी संक्रमित हुँदा ६३ हजार ८ सय बढीको मृत्यु भएको छ । स्पेनमा २४ हजार ५ सय ४३ जनाको मृत्यु र २ लाख ३९ हजार बढी संक्रमित छन् । इटालीमा कोरोनाका कारण २७ हजार ९ सय बढीको मृत्यु भएको छ भने २ लाख ५ हजार बढी संक्रमित भएका छन् ।

यस्तै छिमेकी मुलुक भारतमा कोरोनाको असर बढ्दै गएको छ । त्यहाँ एकैदिन १८ सय नयाँ संक्रमित थपिएका छन् । कोरोना कारण भारतमा मृत्यु हुनेको संख्या १ हजार १ सय ५४ र संक्रमितको संख्या ३४ हजार ८ सय ६२ पुगेको छ । यसैगरी पाकिस्तानमा १६ हजार ४ सय बढी कोरोना संक्रमित पुष्टि हुंदा ३ सय ६१ जनाको मृत्यु भएको छ ।

यस्तै बेलायतमा २६ हजार ७ सय बढीको मृत्यु र १ लाख ७१ हजार बढी संक्रमित छन् । उता फ्रान्समा १ लाख ६७ हजार बढी संक्रमित हुंदा २४ हजार ३ सय बढीको कोरोनाका कारण मृत्यु भएको छ । जर्मनीमा कोरोनाका कारण ६ हजार ६ सय बढीको मृत्यु र १ लाख ६३ हजार संक्रमित छन् । इरानमा कोरोनाका कारण मृत्यु हुनेको संख्या ६ हजार नाघेको छ ।