अखबार नेपाल ट्रेन्डिङ

काठमाडौं: विगत दुई दशकदेखि रंङ्गमञ्चमा सक्रिय पुर्खाजित राई र ज्योती राईबीच यहि २०७६ बैशाख २९ गते आईतबार किराती परम्परा अनुसार बैवाहिक सम्बन्ध बाँधिएको छन् ।

कलाकारिता क्षेत्रमा लामो सहकार्य पश्चात विगत चार महिनाको प्रेम सम्बन्धलाई मुर्त रुप दिँदै यी दुईबीच किराती परम्परा अनुसार रित पुर्वक बैबाहिक बन्धनमा बाँधिएका छन् । वर्तमान समयमा आफ्ना संस्कार संस्कृतिहरु लोप हुँदै गैरहेको अवस्थामा नयाँ पिढीलाई मार्गनिर्देश होस भन्ने उदेश्य अनुरुप किराती परम्परा अनुसार नै विवाह गरेको उनीहरु बताउँछन् ।

पुर्खाजित राई विगत दुई दशकदेखि नेपाली रंङ्गमञ्चमा अभिनय, लेखन तथा निर्देशन जस्ता कार्यमा सक्रिय रहँदै आएका छन् । पुर्खाजित आदिवासी जनजाति चलचित्र महासंघको बर्तमान महासचिव, किरात राई चलचित्रकर्मी संघको उपाध्यक्ष एवं सद्भाव थिएटरको सचिव समेत हुन भने ज्योती राई डेढ दशकदेखि रंङ्गमञ्चमा अभिनय गर्दै आई रहेकी छिन् ।

हालसम्म दुई दर्जन भन्द बढी नाटकमा अभिनय गरिकसकेकी ज्योती राई चलचित्र तथा वृत्तचित्रमा समेत सक्रिय रहँदै नाट्य संस्था महासंघको केन्द्रिय उपाध्यक्ष समेत हुन ।