अखबार नेपाल ट्रेन्डिङ

काठमाडौं: सञ्चारकर्मी चुरामणि खनालको राष्ट्रिय गीत ‘नबिर्सौ वीरताको गाथा’ सार्वजनिक भएको छ । खनालकै शब्द संगीत र आवाज रहेको यस गीतमा मनिका विश्वकर्माले साथ दिएकी छिन् । यस राष्ट्रिय गीतलाई बुढा सुब्बा डिजिटलको अफिसियल युट्युव च्यानलबाट सार्वजनिक भएको हो ।

विशाल नेपाल र नेपाली वीरले देखाएको वीरतामा सिमा मिचिदा चुप बस्न नहुने, हामी नेपाली परि आए आफ्नो बलिदान दिन तयार छौं, पृथ्वीले अर्जेको मुलुकमा हामी वीर गोर्खालीका सन्तान स्वाभिमानलाई रोज्ने छौ र भारतमा गाभिएका भूमि फिर्ता गर्नु नै हाम्रो लागि स्वाभिमान हुनेछ भन्ने सन्देश उक्त गीतमा दिएको छ ।

पुर्खाले अर्जेको मुलुक कहिले कसैको उपनिवेश र दलदलमा नफसेको र भारतले इतिहासदेखि नै नेपालका भूमिमा हस्तक्षेप गर्दै आएको हुँदा हेपाहा प्रवृत्तिमा चुप लागेर बस्न सक्ने अवस्था नरहेको र आफ्नो स्वाभिमानलाई गुमाउन नहुने, विशाल नेपाल दार्जिलिङ, सिक्किम, कुमाउ, गडवाल पनि हाम्रै थिए जाहाँ नेपालको क्षेत्रफल अहिलेको नेपालको दोब्बर भन्दा धेरै पूर्वमा टिष्टादेखि शतलजसम्मको विशाल नेपाल भन्ने सन्देश उक्त गीतले दिएको छ ।

सञ्चारकर्मी खनालले आफ्नो पहिलो राष्ट्रिय गीत सार्वजनिक गरेका हुन । उक्त गीतलाई केपी देवकोटाले सम्पादन गरेका छन् भने मनोज सिंह बस्नेतले छायांकन गरेका छन् ।

-भिडियो-