अखबार नेपाल ट्रेन्डिङ

अमेरिकन आइडलको फाइनललाई आइतबार राति हुँदैछ । सिजनको अन्त्यतिर क्वारेन्टाइनबाटै प्रतिस्पर्धीहरुले आफ्नो प्रस्तुति दिइरहेका छन् । अमेरिकीन आइडलका अन्तिम ७ प्रतिस्पर्धीमध्ये एक ‘आर्थर गन’ उर्फ दिवेश पोखरेलले उपाधि जित्नसक्ने अड्कल धेरै अनलाइन सर्वेक्षणहरुले गरिरहेका छन् । अमेरिकी समय अनुसार साँझ ७ बजे एबिसी, च्यानल १० मा यो शो सुरु हुनेछ ।

‘आर्थर गन’ दिवेश पोखरेलले कोराना भाइरसका कारण देशव्यापी सटडाउन भएको अवस्थामा यहीबाट उनले विगत केही सातादेखि प्रस्तुती दिइरहेका छन् । ‘यो ठूलो दिन हो । यो निकै स्मरणीय छ,’ उनले भनेका छन् । आइतबारको फाइनल सुरु हुनासाथ ७ प्रतिस्पर्धीमध्ये २ जना बाहिरिनेछन् । र बाँकी रहेका गायक–गायिकाले दुई वटा गीत प्रस्तुत गर्नेछन् । विजेताको टुंगो दुई घण्टा लामो लाइभ रियल टाइम भोटिङबाट लाग्नेछ ।

दर्शकमाझ लोकप्रिय डिल्लन जेम्स र १९ वर्षीय क्यालिफोर्नियाका फ्रान्सिस्को मार्टिनसहित अन्य ६ प्रतिस्पर्धीविरुद्ध आर्थर दिवेश छन् । तर धेरै अनलाईन सर्वेक्षणले आर्थर दिवेश उत्कृष्ट पाँचभित्र पर्ने र सम्भवत उनले नै ताज जित्ने अड्कल लगाएका छन् । आफ्नो पृथक स्वरका कारण उनले दर्शक र निर्णायकलाई प्रभावित गरेका छन् । क्रिडेन्स क्लियरवाटर रिभाइभल, विनोनी हेयर्स र जोन डेन्भरजस्ता कलाकारको गीतमा उनले सिजर्नात्मक प्रस्तुति दिएका छन् । उनको विनम्रता र मुस्कानले टेलिभिजनमा धेरैलाई आकर्षित गरेको छ । त्यसैले उनले राम्रो मत निकाल्ने अनुमान गरिएको छ ।

सेलिब्रेटी निर्णायक केटी पेरी, लियोनल रिची र लुक बार्यनले पुरै सिजनभर उनको प्रशंशा गरेका छन् । उनीहरुले यी कलाकारमा ठूलो स्टार र व्यवसाहिक संगीतकार बन्ने संभावना रहेको बताएका छन् ।