एनआईसी एशिया बैंकको ‘उद्धमशील बचत खाता’ योजना
वि.सं.२०७५ फागुन १४ मंगलवार १३:५१
काठमाडौं: एनआईसी एशिया बैंकले नेपाल उद्धमशील महिला महासंघसँग सहकार्य गरेर ‘उद्धमशील बचत खाता’ योजना सार्वजनिक गरेको छ ।
बैंकले ग्राहकमुखी योजनाहरू पस्किँदै आएको पछिल्लो समय महिलाहरूलाई उद्धमशील बनाउने अर्को योजना पनि सार्वजनिक गरेको हो । बैंकले नेपाल उद्धमशील महिला महासंघसँग सहकार्य गरेर ‘उद्धमशील बचत खाता’ योजना ल्याएको हो ।
सम्झौतापत्रमा एनआईसी एशिया बैंकको तर्फबाट नायव प्रमुख कार्यकारी अधिकृत सुधीरनाथ पाण्डे र नेपाल उद्यमशील महिला महासंघको तर्फबाट महासंघकी अध्यक्ष देबिका बुढाथोकीद्वारा हस्ताक्षर भएको छ । उक्त सम्झौतासँगै अब महासंघको वार्षिक योजनामा परेका कार्यक्रमहरूमा आवश्यकता अनुसार महासंघका प्रतिनिधिहरूले उपलब्ध गराएको कागजात, कारोबार, मापदण्डलगायतका आधारमा बैंकले कर्जा प्रवाह गर्न सक्ने अवस्था रहेमा व्यक्तिगत कर्जा २ लाख देखि १० लाखसम्म उद्यमशील प्राकृतिक ब्यक्तिका लागि उपलब्ध हुने छ ।।
वि.सं.२०७५ फागुन १४ मंगलवार १३:५१