अखबार नेपाल ट्रेन्डिङ

काठमाडौं: २० वटा वाणिज्य बैंकमध्ये १९ वटाको निष्क्रिय कर्जा  (एनपीएल) बढेको छ । एभरेस्ट बैंकले मात्रै निष्क्रिय कर्जा घटाउन सफल भएको छ । समग्रमा एक वर्षमा बैंकहरुको निष्क्रिय कर्जा ३२ प्रतिशतले बढेको छ ।

बैंकहरुले सार्वजनिक गरेको चालु आर्थिक वर्षको दोस्रो त्रैमासिक वित्तीय विवरण अनुसार पुस मसान्तसम्म औसत निष्क्रिय कर्जा ४.४८ प्रतिशत छ । गत वर्षको पुसमा औसत निष्क्रिय कर्जा ३.३९ प्रतिशत थियो । एनआईसी एसिया बैंकको निष्क्रिय कर्जा सबैभन्दा धेरै बढेको छ । कुल कर्जामा यस्तो कर्जाको अंश एक वर्षमै १.१९ प्रतिशतबाट बढेर ४.६१ प्रतिशत पुगेको छ ।

वाणिज्य बैंकमा कुमारीको निष्क्रिय कर्जा सबैभन्दा धेरै ६.९६ प्रतिशत छ । कर्जा असुली नियमित हुन नसक्दा बैंकहरुको निष्क्रिय कर्जा बढेको हो ।

कुल कर्जामा बैंकहरूको निष्क्रिय कर्जा स्थिति