अखबार नेपाल ट्रेन्डिङ

काठमाडौं: सेञ्चुरी कमर्सियल बैंक लिमिटेडले आफ्ना शेयरधनीहरुलाई गत आर्थिक वर्ष २०७८/७९ को मुनाफाबाट ५ प्रतिशत लाभांस वितरण गर्ने भएको छ ।

२०७९ मंसिर १४ गते बेलुका ५ बजे बसेको बैंक सञ्चालक समितिको ३७२औं बैठकले चुक्ता पूँजीको ५ प्रतिशत लाभाशं वितरण गर्ने प्रस्ताव पास गरेको हो ।

बैंकको २०७९ आषाढ मसान्तमा कायम चुक्ता पुँजी ९ अर्ब ५५ करोड ३९ लाख ९ हजार १९८ रुपैयाँ ८९ पैसा रुपैयाँमा ४.७५ प्रतिशतले हुन आउने रकम  ४५ करोड ३८ लाख १० हजार ६८६ रुपैयाँ ९५ पैसा बोनस शेयर वितरण गर्न लागेको हो ।

कर प्रयोजनको लागि चुक्ता पुँजीको ०.२५ प्रतिशतले हुन आउने रकम  २ करोड ३८ लाख ८४ हजार ७७३ रुपैयाँ बराबरको नगद लाभांश वितरण गर्ने निर्णय गरेको छ । उक्त लाभांश नेपाल राष्ट्र बैंकबाट स्वीकृति भई बैंकको आगामी १२औं वार्षिक साधारणसभाबाट पारित भए पश्चात वितरण गरिनेछ ।

सेञ्चुरी कमर्सियल बैंक लिमिटेड र प्रभु बैंक लिमिटेडबीच साउन १५ गते संस्था प्राप्ति सम्बन्धी सहमती भएको छ । जस अनुरुप प्रभु बैंकले सेञ्चुरी बैंकलाई प्राप्ति गर्नेछ र पौष मसान्तभित्र नै एकीकृत कारोबार गर्ने गरी प्राप्ती प्रक्रिया अगाडी बढेको बैंकले जनाएको छ ।