अखबार नेपाल ट्रेन्डिङ

काठमाडौं: नेपाल पुनर्बीमा कम्पनीको गत आर्थिक वर्षमा निर्जीवन र जीवन बीमा तर्फको व्यवसाय घटेको छ ।

बीमा समितिद्वारा जारी गत आर्थिक वर्ष ७८/७९ को तेस्रो त्रैमासको वित्तीय विवरणले कम्पनीको नाफा घटेको देखाएको हो ।

कम्पनीले गत आवको तेस्रो त्रैमाससम्म निर्जीवनतर्फ ६० करोड २१ लाख रुपैयाँ आर्जन गरेको छ । अघिल्लो आर्थिक वर्ष कम्पनीले निर्जीवन बीमातर्फ ८२ करोड ४७ लाख रुपैयाँ आर्जन गरेको थियो । निर्जीवन व्यवसाय अघिल्लो वर्षको भन्दा २७ प्रतिशतले नोक्सान भएको छ ।

जीवन बीमातर्फ २ करोड ९७ लाख रुपैयाँ आर्जन गरेको छ। गत वर्ष १० करोड १० लाख  नाफा गरेको थियो ।

गत आर्थिक वर्षको तेस्रो त्रैमाससम्म नेपाल पुनर्बीमा कम्पनीले ८ अर्ब ७८ करोड कुल बीमा शुल्क आर्जन गरेको  थियो । अघिल्लो आर्थिक वर्षको सोही अवधिमा कम्पनीले ६ अर्ब ८१ करोड कुल बीमा शुल्क आर्जन गरेको थियो । कम्पनीको बीमा शुल्क अघिल्लो वर्षको भन्दा २९  प्रतिशतले वृद्धि भएको छ ।

११ अर्ब ६५ करोड चुक्ता पुँजी भएको कम्पनीमा निर्जीवनतर्फ ३ अर्ब ९१ करोड जगेडा कोषमा रकम सञ्चित छ । जीवन बीमाको जगेडा कोषमा ५९ करोड ५ लाख रुपैयाँ छ । निर्जीवनतर्फ बीमा कोषमा २ अर्ब ५४ करोड छ ।

गत आर्थिक वर्षको तेस्रो तैमासमा कम्पनीको वार्षिक प्रति सेयर आम्दानी ६ रुपैयाँ ५५ पैसा छ । प्रतिसेयर नेटवर्थ १६० रुपैयाँ ५१ पैसा छ ।