प्राइम कमर्सियल बैंकले कमायो १ अर्ब ६७ करोड नाफा
वि.सं.२०७८ माघ ७ शुक्रवार १२:३०
काठमाडौं: प्राइम कमर्सियल बैंक लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।
बैंकले ६ महिनामा १ अर्ब ६७ करोड नाफा गरेको छ । बैंकले अघिल्लो वर्ष १ अर्ब ८१ करोड नाफा गरेको थियो । बैंकको विवरण अनुसार अघिल्लो वर्षको भन्दा नाफा ७.७३ प्रतिशतले घटेको हो ।
यस अवधिमा बैंकले १ खर्ब ५८ अर्ब निक्षेप संकलन गरेर १ खर्ब ५४ अर्ब कर्जा परिचालन गरेको छ । बैंकको खराब कर्जा अनुपात (एनपीएल्) ०.७८ प्रतिशत छ ।
बेसरेट ८.९८ प्रतिशत छ । रिर्टन अन इक्विटी (आरओइ) १३.१४ प्रतिशत छ । अघिल्लो वर्ष आरओइ १६.१८ प्रतिशत थियो । पूँजीकोष अनुपात १२.९७ प्रतिशत छ ।
वि.सं.२०७८ माघ ७ शुक्रवार १२:३०